மாதவிலக்கு வரலன்னா இதை சாப்பிடுங்க உடனே வந்திடும், ஆனா அளவா சாப்பிடுங்க!

பழங்களில் அனைவருக்கும் பிடித்த பழம், விலை குறைந்த இனிப்பு நிறைந்த பழங்களில் பப்பாளியும் ஒன்று. பப்பாளிப்பழம் போன்று பப்பாளி காயும் நன்மை தரக்கூடியது.

உணவுகள் மூலம் தான் உடலின் ஆரோக்கியத்தை பெறமுடியும் என்று அறிவுறுத்துகிறார்கள் மருத்துவர்கள். அன்றாட உணவில் சத்து நிறைந்த சமச்சீரான உணவு மிகவும் அவசியம். அரிசி உணவோடு அதிக அளவு காய்கறிகளும், பழங்களும் அவசியம் எடுத்துகொள்ள வேண்டும். பழங்கள் பலவும் காய்களாக இருக்கும் போதும் நன்மை தரக்கூடியதுதான். அந்த வகையில் பப்பாளிப்பழத்தை காயாக இருக்கும் போதும் எடுத்துகொள்ளலாம்.

பப்பாளிப்பழத்தைக் காட்டிலும் காயாக இருக்கும் போது எடுத்துகொண்டால் அவை நன்மை செய்யுமா? எந்த மாதிரியான பலன்களை கொடுக்கும், யாரெல்லாம் எடுத்துகொள்ளலாம். யாரெல்லாம் தவிர்க்கலாம் என்பது குறித்து தெரிந்துகொள்வோம்.

பப்பாளி

ஒவ்வொரு பழங்களும் குறிப்பிட்ட சீஸனில் மட்டுமே கிடைக்கும். சில பழங்கள் எல்லா காலங்களிலும் கிடைக்கும். அந்த வகையான பழங்களில் பப்பாளியும் ஒன்று. பப்பாளி எல்லா காலங்களிலும் கிடைக்க கூடிய பழம். விலை மலிவானது, அதிக இனிப்புத்தன்மை கொண்டது.

குழந்தைகள் முதல் வயதானவர்கள் வரை அனைவருக்கும் இது பிடிக்கும். வருடம் முழுக்க கிடைக்கும் பழம் என்பதோடு இதில் வைட்டமின் ஏ சத்து அதிகளவு உள்ளது. வாரம் இருமுறையாவது பப்பாளி எடுத்துகொண்டால் நோய்த்தொற்றுகளிலிருந்து பெருமளவு விடுபட முடியும்.

பலவிதமான நன்மைகளை அள்ளித்தரும் பப்பாளி பழமாகும் வரை காத்திருக்க வேண்டியதில்லை. காயாக இருக்கும் போதே சாப்பிட தொடங்கலாம். அப்படியே சாப்பிடமுடியாது அவ்வளவு தான். இந்த காய்கள் தரும் நன்மைகள் குறித்து தெரிந்துகொள்வோம்.

​புண், காயம்

வாய்ப்புண்ணுக்கு கைவைத்தியம் பப்பாளிக்காயிலிருந்து வெளிவரும் பால் தான். வாய்ப்புண் பிரச்சனையால் தவித்துவருபவர்கள் பப்பாளிக்காயை நறுக்கினால் வெளிவரும் பாலை புண்ணின் மீது தடவினால் புண்ணை விரைவில் ஆற்றும்.

வெட்டுகாயம், புண், ரத்தகாயம் உண்டாகும் போது அவை தீவிரமாகாமல் இருக்க பப்பாளிக்காயின் பாலை தடவி வரலாம். இதனால் அடிபட்ட இடங்களின் மீது அதிக தொற்று பரவாது. வளரும் குழந்தைகளுக்கு தலையில் புண் போன்ற பிரச்சனை உண்டாகும் போது பப்பாளி பாலை பூசி குளிப்பாட்டினால் புண் ஆறும். ரணம் இருக்காது.

​தாய்ப்பால் சுரப்பு

பிரசவித்த தாய்மார்கள் குழந்தைக்கு தாய்ப்பால் கொடுக்கும் போது போதுமான அளவு தாய்ப்பால் சுரப்பு பெற வேண்டும். கர்ப்பக்காலத்தில் உண்டாகும் பலவீனம் பிரசவக்காலம் வரை தொடரும் போது குழந்தைக்கு சத்து மிக்க தாய்ப்பால் பற்றாக்குறையாகிவிட வாய்ப்புண்டு.

ஆரோக்கியமான உணவின் மூலமே பால் சுரப்பை அதிகரிக்க முடியும். தாய்ப்பால் சுரக்க வைக்கும் உணவுகளில் காய்கறிகளோடு பப்பாளி காயும் சேர்க்கலாம். பப்பாளி காயை கூட்டாகவோ, குழம்பில் காயாகவோ சேர்த்து ஒரு கப் அளவு சாப்பிட்டு வந்தால் தாய்ப்பால் சுரப்பு அதிகரிக்கும்.

தினமும் இல்லையென்றாலும் வாரம் இரண்டு முறை இந்த காயை சாப்பிடலாம். பிரசவத்துக்கு பிறகு உண்டாகும் உடல் குளுமையை குறைக்கவும் வெப்பம் தரும் பப்பாளிக்காய் உதவும்.

​புழுக்கள் வெளியேற

வயிற்று பூச்சிகளை அழிக்கும் அளவுக்கு வல்லமை கொண்டது பப்பாளிகாய். பப்பாளிகாயை நல்லெண்ணெயுடன் கலந்து பொரியலாக்கவும். இதை சூடான சாதத்தில் பிசைந்து சாப்பிட வேண்டும். மாலை வேளையில் இரவு 8 மணிக்குள் சாப்பிட வேண்டும்.

மறுநாள் காலை குடலில் இருக்கும் வட்ட புழுக்கள் வெளியேறிவிடும். வயிற்றில் இருக்கும் புழுக்களை அழிக்க பப்பாளிகாயை மாதம் ஒரு முறை எடுத்துகொள்ளலாம். சிறுநீரை பெருக்கி உடலை பலமாக்கவும் இவை உதவும். கல்லீரல் வீக்கத்தை குறைக்கவும் செய்யும்.

​மாதவிலக்கு தூண்டும்

மாதவிலக்கு சரியான நேரத்துக்கு வரவேண்டுமென்றால் மாத்திரைகளை அணுக வேண்டியதில்லை. பப்பாளிக்காயை சமைத்து இரண்டு நாட்கள் சாப்பிட்டு வந்தால் மாதவிலக்கு வரும்.

பப்பாளிக்காயை தோல் நீக்கி சிறுதுண்டுகளாக நறுக்கி பாசிபயறு , தேங்காய் சேர்த்து பொரியலாக்கி சாப்பிட வேண்டும். தொடர்ந்து இரண்டு அல்லது மூன்று நாட்கள் சாப்பிட்டால் மறுநாள் மாதவிலக்கு உண்டாகும். அதிகம் எடுக்க வேண்டாம்.

பப்பாளிக்காயை அரைத்து சாறாக்கியும் குடிக்கலாம். ஒரு தேக்கரண்டிக்கு மேல் குடிக்க கூடாது.

சேற்றுப்புண்

கால் பாதங்களில் சேற்றுப்புண், பாத எரிச்சல், வறண்ட பாதம் போன்ற பிரச்சனைகள் இருப்பவர்களுக்கு இவை நிவாரணம் தரும். பப்பாளிக்காயிலிருந்து பெறப்படும் பாலுடன் சம அளவு பசும்பாலை காய்ச்சாமல் கலந்து சேற்றுப்புண் இருக்கும் இடத்தில் தடவ வேண்டும்.

தொடர்ந்து ஒரு மண்டலம் வரை தடவி வந்தால் நாள்பட்ட சேற்றுப்புண்ணும் குணமாகும். பாதங்கள் அழகு படும். இதை முகப்பரு இருக்கும் இடத்தில் தடவி வந்தால் பருக்கள் தழும்புகள் இல்லாமல் நீங்கும்.

​உடல் பருமனை குறைக்க

உடல் பருமன் குறைய விரும்புபவர்கள் எந்தவிதமான பயிற்சியும் உணவுகட்டுப்பாடும் இல்லாமல் குறைய விரும்பினால் அவர்களுக்கு பப்பாளி காய் உதவும்.

உடல் எடை எப்போதும் அதிகரிக்காமல் இருக்க விரும்புபவர்களும் வாரம் ஒரு முறை பப்பாளிக்காயை கூட்டு அல்லது குழம்பில் சேர்த்து சாப்பிட்டு வந்தால் எடை கட்டுக்குள் இருக்கும். அதிக எடையை கொண்டிருப்பவர்கள் உடல் எடை குறைவதை பார்க்கமுடியும்

பப்பாளிகாயை குழந்தைகளுக்கும், கர்ப்பிணிகளுக்கும் கொடுக்க கூடாது. கர்ப்பிணிகள் சாப்பிட்டால் கருச்சிதைவு ஊக்குவிக்கும் என்பது குறிப்பிடத்தக்கது