பாண்டிராஜ் இயக்கத்தில் சிவகார்த்திகேயன் அடுத்ததாக நடித்து வரும் நம்ம வீட்டுப் பிள்ளை திரைப்படத்தின் பெர்ஸ்ட் லுக் போஸ்டர் இன்று (திங்கட்கிழமை) வெளியாகியுள்ளது.
கடைக்குட்டி சிங்கம் திரைப்படத்தை இயக்கிய பாண்டிராஜ் இயக்கும் இந்த திரைப்படத்தில் அனு இம்மானுவேல் அவருக்கு ஜோடியாக நடித்துள்ளார்.
அத்துடன் இந்த திரைப்படத்தில் பாரதிராஜா, ஐஸ்வர்யா ராஜேஷ், யோகி பாபு, சூரி, சமுத்திரக்கனி, நடராஜ், ஆர்.கே.சுரேஷ் என பல முன்னணி நடிகர்கள் முக்கிய கதாபாத்திரங்களில் நடித்து வருகின்றனர்.
நிரவ் ஷா ஒளிப்பதிவு செய்யும் இந்தப் படத்துக்கு டி.இமான் இசையமைத்துள்ளார். அத்துடன், இந்த திரைப்படம் எதிர்வரும் செப்டம்பர் மாதம் திரைக்கு வரவுள்ளதாக அறிவிக்கப்பட்டுள்ளமை குறிப்பிடத்தக்கது.
