ஐக்கிய தேசியக் கட்சியின் அனைத்து அமைச்சர்களுக்கும் கட்சியின் தலைவர் பிரதமர் ரணில் விக்ரமசிங்க அழைப்பு விடுத்துள்ளார்.
அலரிமாளிகையில் நாளை (வெள்ளிக்கிழமை) இரவு இடம்பெறவுள்ள விருந்துபசாரத்தில் கலந்துகொள்வதற்காகவே இந்த அழைப்பு விடுக்கப்பட்டுள்ளது.
தற்போதைய அரசாங்கம் ஆட்சிக்கு வந்து 4 வருடங்கள் பூர்த்தியை முன்னிட்டு இந்த விருந்துபசாரம் ஏற்பாடு செய்யப்பட்டுள்ளதாக தெரிவிக்கப்படுகிறது.
இதன்போது, எதிர்வரும் ஜனாதிபதி தேர்தல், ஐக்கிய தேசியக் கட்சியின் எதிர்கால செயற்பாடு என்பன தொடர்பாக கலந்துரையாடப்படவுள்ளது.
ஜனாதிபதி வேட்பாளரை அறிவிக்கும் விடயத்தில் ஐ.தே.க.விற்குள் குழப்பங்கள் ஏற்பட்டுள்ள நிலையில், பல தடவைகள் கூடி ஆராய்ந்த போதிலும் இதுவரையில் சுமூகமான முடிவு எட்டப்படவில்லையென்பது குறிப்பிடத்தக்கது.
