ஓகக்கலையில் மிக முக்கிய உரு நிலை இந்த இருக்கையாகும். ஓகக் கலைப் பயிற்சியை முடித்தவுடன் கண்டிப்பாக இறுதி நிலையாக இதனைச் செய்ய வேண்டும்.
செய்முறை விளக்கம் :-
விரிப்பின் மீது மல்லாந்து படுக்கவும். கால்களை நேராக நீட்டி லேசாக அகட்டி வைத்துக் கொள்ளுங்கள். உள்ளங்கை மேற்புறம் பார்த்திருப்பதுபோல கைகள் இரண்டையும் உடலின் பக்கவாட்டில் வைக்கவும்.
உடம்பின் எந்த ஒரு உறுப்பையும் விறைப்பாக வைக்காமல் தளர்வாக வைத்திருக்க வேண்டும். மூச்சை இயல்பாக விடவும்.
குறிப்பாக மனதிலும் எந்த வித எண்ணங்களும் இல்லாமல் சாதாரணமாகப் படுத்திருக்கவும்.
விரும்பினால் மிகுந்த மிருதுவான மெல்லிய இசையினை (புல்லாங்குழல்) ஒலிக்கவிட்டுக் கொள்ளலாம்.
- உங்கள் மனதை தலை வெளி தசைகளில் நிலை நிறுத்தவும். அதில் உள்ள எல்லா அழுத்தங்களையும் பூமிக்கு அர்பணித்துவிட்டேன், அதில் எவ்வித அழுத்தங்களும் இல்லை என்று எண்ணத்தினால் தளர்வுபடுத்திக் கொள்ளுங்கள்.
- இதே போன்று பின்வரும் அனைத்துப் பகுதிகளிலும் உங்களது மனதினை நிலை நிறுத்தி இதேபோன்றே ” எல்லா அழுத்தங்களையும் பூமிக்கு அர்பணித்துவிட்டேன், அதில் எவ்வித அழுத்தங்களும் இல்லை என்று எண்ணத்தினால் உடலினைத் தளர்வுபடுத்திக் கொள்ளுங்கள்.”
- தொண்டை வெளி சதையில் நிலை நிறுத்தவும்.
- தோள்பட்டை வெளி சதையில் நிலை நிறுத்தவும்.
- வலது கை, இடது கை வெளி சதையில் நிலை நிறுத்தவும்.
- இருதயத்தின் வெளி சதையில் நிலை நிறுத்தவும்.
- வயிற்று வெளி சதையில் நிலை நிறுத்தவும்.
- வலது கால், இடது கால் வெளி சதையில் நிலை நிறுத்தவும்.
- தலை முதல் கால் வரை உடல் வெளி தசைகளில் இருந்த அழுத்தத்தை மனதால் ரிலாக்ஸ் செய்து விட்டோம். இப்போது, உடல் உள் உறுப்புக்களை தளர்த்துதல்.
- இப்போது உங்கள் மனதை மூளை உள் பகுதியில் நிலை நிறுத்தி அந்த பகுதியிலுள்ள எல்லா அழுத்தங்களும் உடலைவிட்டு நீங்குவதாக எண்ணி தளர்த்தவும்.
- மூளைக்கு கீழ் இரண்டு நாளமில்லா சுரப்பிகள் பிட்யூட்டரி மட்டும் பினியல் சுரப்பி உள்ளது. உங்கள் ஆழ் மனதை அதில் நிலை நிறுத்தி தளர்த்தவும்.
- தொண்டை உள் பகுதி தைரொய்ட், பாரா தைரொய்ட் அதில் நிலை நிறுத்தி எண்ணி தளர்த்தவும்.
- இருதயம், நுரையீரல், தைமஸ் சுரப்பி அதில் உங்கள் மனதை நிலை நிறுத்திதளர்த்தவும்.
- எனது இதய துடிப்பு சீராக இயங்குகிறது. அந்த பகுதியில் எந்த அழுத்தங்களும் இல்லை என்று எண்ணி தளர்த்தவும்.
- பின் வயிற்று உள் பகுதி சிறுகுடல், பெருங்குடல், கணையம், அட்ரினல் சுரப்பியில் நிலை நிறுத்தி மனதால் நினைத்து தளர்த்தவும்.
- பின் வலது கால் உள்பகுதி, இடது கால் உள்பகுதியில் மனதை நிலை நிறுத்தி தளர்த்தவும்.
-
அமைதி இருக்கை பலன்கள்:
- ரத்த அழுத்தம் நீங்கும்.
- இதயம் பாதுகாக்கப்படும்.
- மன அழுத்தம் நீங்கி, மன அமைதி கிடைக்கும்.
- உடலுக்கு பிராண சக்தி கிடைக்கின்றது.
- உடலில் ரத்த ஓட்டம், வெப்ப ஓட்டம், காற்றோட்டம், சரியாக இயங்கும்.
- நரம்பு தளர்ச்சி, படப்படப்பு நீங்கும்.
- கோபம் நீங்கும். சாந்தம், பொறுமை குணம் வளரும்.
- அடிமுதுகு வலி, கழுத்து, முதுகு வலி நீங்கும்.
- சுறுசுறுப்பாக திகழலாம்.
- எல்லா வயதினரும் இதனை பயின்று இன்புற்று அமைதியாக வாழலாம்.
நன்றி.
யோகக்கலாநிதி
யோகப்புருஷத்
வி.கௌரிதாசன்.
